FESTACHO DIS

FESTACHO  DIS

- Boroupi:  Norman Noronha  

 

 

Mon’xachea jivitacho poilo mog zaun asa koro mog. Punn ho mog choddso piso asta mhunn sangtat. Poilea mogacho ugddas monantlo kosoch uddon vochona. Hea vixim borounk ghelear sonvsarantlim kagddam panvchim nant. Ani hanv kitem sangunk sodtam tem thoinch urot mhunn bhirant.  Hi ek khobor khub vorsam fatli. Telefone ani mobile-fon sumarachea mon’xam lagim ghorant kivam hatant disonaslea tea khallantli ghoxtt.  

Navelinchea ganvche porbecho dis. Tisro Bhudvar Novembracho. Festak xinvlolo novo vistid ani vistidachea rongar bostole unchayen aslole funtanche moche, Suzy-chea sobitayek odik rong haddtale. Navemlim ganvantlem Suzy, Carmel Kolejin vidhapitthacho dusrem voros xiktalem. Festachea vhoddlea Misak vochunk, tem aplea avoi-bapay sangata bhair sorlolem. Tem ekdom sobit distalem. Gavantle zaite cheddeachi nodor tacher asli, punn tacho sobhav ekdom ghorvacho aslo mhunn, pedit (utor) ghalunk bhietale. 

Ghara lagim zaitim soirim ixtt-ixttimni ieupachim aslim. Festachem Mis somplea uprant, feriant bhitor soronastana Suzy ani tacho avoi-bapui nitt ghara ailim.  Thoddea vellan ghorant zaito lok distolo hem monant gholoitana “BoasFestas” konnem tori ghorant bhitor sortana mhonntloleacho avaz ailo. Beg-begim bolkavant ailem ani tachea vhoddlea mamachea sangata kuddin okondd ani rupan sobit distolea tornatteak pollevn tem ekdom dipkovlem. Mamachea vangdda aslolo tornatto konn zait? Hachi zap mellchea adinch tachea maman vollok korun dili:“Suzy, meet my godchild Robin. Royal Carribean Cruises American Company-int kam korta. Khaluch ghora pavla. Mhonntlem, Navelim ganvchem fest kitlem koddok veta tem taka dakoitolom”

“Nice to meet you”

“Happy Feast Suzy” Robinan taka wish kelo, ani vonnov ghalun tache modur polleanche kis ghetle. Robinachea kopddear otoilolo Cartier cheracho sungandh (fragrance) Suzyche nakant ghusun festacho dhomdom bizlechem bolla porim kuddileant choddta kai Suzuk dislem.

“Please come in”, ghorant bhitor sorunk Suzyn ievkar dilo. Mama ani Robin dogui salantlea sofar bosle. Avoy-bapaik soireanchi khobor dili ani bhitor vochun tanchi tan bagounk thondd piyunk haddlem. Tray-antlo glass kaddtana, bhorun aslolea glasantlem thondd piyon Robinachea kopddeancher votlem.

“I’m so sorry” Suzy guneanvkari zaun mhontlem.

 “Its ok.” Robin-an ghoddlam tacher visor ghalunk sanglem.

“Suzy, volsannichea lugtan, otlam thoim matxe pusun ghe”, Suzychea maman sanglem ani kuznant gull zalolea aple bhoinn ani kuneadak mellunk ghelo. Olea lugtan, bizlolem suit pustana Robinan Suzychea hatak dorun mhontlem “Thanks dear”

Robinancho hat Suzychea hatak bostam tache angar kanto fulonk laglo. Tanche dolle eka-mekak poloit ravle ani monantlem vochun kallza meren pavtoch Suzychi jib ugti zali

“So young man, how was your trip?”, Suzyn vicharlem

“Bori gheli, was good dear. Tum xikta vo...?”

“Yes, I’m doing my S.Y BSc”, tacho proxn sompchea adim tannem mhontlem

“Kolegik vochunk kitlea vorancher bhair sorta tum?”

“Faleam ‘practical’ asa. Vellar pavunk zata title vegim city bus dorunk zai. Aiz tor festachi niban dandi”

“Moddganv kam’ asa mhaka. Tum mhala dislear hanv tuka lift ditolom”

“No probs”, ani Suzy hech sondek ravtalem. Robin sodankal tacho zavncho. Sogllo vell tacheach morean gozali korchem taka distalem. Punn ghorant festachim soirim bhorunk laglim. Tancho poramus korunk, Robinank eksuro soddcho poddlo.

Dusre disa Suzy collegik vochpache city busichi vatt poloit astona, ‘police sunglasses’ ghalun Kinetic bike choloito Robin taka dislo. Tache kalliz uchamboll zalem. Tache sundor mukamoll eka sokalche fultolea fulam porim distalem. Robinan aple motorsaikolir bosunk kunna keli ani Suzy sott korun boslem. 

“Where to?”, Robinan vicharlem 

“Wherever you wish yar”, Suzy mhontlem.

Mogan aslear zaito temp zalolea porim Robinank chittkon motorsaikilir Suzy boslem. Dhanvte vatter gozali choltaleo punn vareachea netar kana vhoilean vetalo. Mog suru zala punn tacho nikall kazari ekvotacher pavtolo hem chitunk tankam khub vell aslo. Ekamekak vollkun nirnoi ghenvcho aslo.

Robinachem mon Suzy vatten vochunk laglem. Dekun, donparchea vellar kolej somptoch taka haddunk ghelo. Poilench bhettop mhonntoch Robinan, Suzyk icecream parlorant velem. Kaim foren vostu dileo. Ani oxe toren tanchem bhettop ken’na donparchea vellar khannavolin zalear, bhell-puri khavunk sanjechea vogtar Colva vetalim. Disandis mogachi val choddot vetana Suzycho xezari Raymond nosayen bhorun tanchea mogachi val katrunk toyar zalo. Raymondacho dollo Suzycher aslo. Robinank porxim mellun, Suzy vixim vaitt khobro tanchea kanan ghatleo. Robinan teo noikarleo.

Raymond ek gunnancho bhurgo ani fotti ulovpi nhi mhunn xezarcho tosoch ganvcho lok taka mandtalo. Punn mog kudd’do mhonntat. Taka Suzycho guptim mog zalolo. Taka, Suzy aplem korchem aslem. Dekun, tanchea hodd’dean fottingponnacho kido riglo. Ani dusrea disa Robin ani Suzychi bhettop zaunche poilim tannem fottikiri xempddi Suzychea kanant ghatli. Robin ek lobad ani taka tacheach ganvchi vhokol asun heram cheddvam thaim timepassa khatir ixttagott zhoddun gheta mhunn sangun Suzychem mon tachea vixim kusoilem. Ani hem sogllem tannem sot mandchem poddlem, kiteak, xezari Raymond ken’nach fotti ulovpi nhi oxem zaite pavtti ghorant avoy-bapay uloilolem tannem aikololem. Suzyk tachi khobor sot lagli. Dusrea disa tanchi bhett zali ten’na tannem borech khor utramni Robinank hinsailo. Ek fottkiro, sota vhokol asun inosent cheddvank trasant ghalpi ani her sabar utramni morie-pillak soltat toso Robinank solun kaddlo. Lokam uzram taka lojen ghatlo. Tanche poile bhette somoyar Robinan kaim foren vostu diloleo teo tachea hodd’dear marun cholot ravlem.

Suzychem xikop somptoch ek dis Raymondan Suzycho hat maglo ani tache avoy-bapain

vodde khuxen tanche kazar kelem.  Thoddea vorsam bhitor tannim, dogam bhurgeank zolman haddlim. 

Ek dis Vascoche mama tanchea ghora ailole kodden ghozalincher ghozal aili. Suzyn Robinachi khobor ghetli ani to khoim ani kitem korta vo kazar zalo sodpus keli ten’na tanchea maman taka thotakun udoipachi khobor sangli. Robin, botir savn Ameriakek ghelolo to ajun ghara ievunk nam ani tacho avoy-bapui tachea usken taka ghora ieo mhunn apoitat, punn to kosoch ghara ievunk raji zaina. Eka cheddvan apleak fotoilo mhunn to niraxiponn bhogtta. Suzyche kallzacher ek zhodd fator dovorlolea porim dislem. Raymondacheo nal-budi taka atam sozmun ailem.

Eka vors Festachea disa, sanjechea vellar Suzy aple ghorkara ani bhurgeam sangata ferientlea kermesant bosun aslim. Eka ixttak mellunk zai mhunn Raymond tanchea sorxilo thoddo vell khuxin sorun ghelo. Yevtin-thevttin ferient nodor firaitana Suzychi nodor eke ghore kattiche ostorecher poddli. Ani tichea sangatak aslolea daddleak pollevn tem ekdom thotaklem. Oi! Tacho admirer Robin. Suzyk rokhdich kanni sozmoli. Ti ostori tachi ghorkarn asteli. Vaskuchea Mamanuch sanglolem, to ghore katichea cheddva thaim kazar zala mhunn. Tanchi nodor nodrek dodli ten’na tankam poilea festachea disachea yadin velim. Mog jikhon promannink monis fotting porian zata, hem mat Suzyk, tachea ghorkar Raymonda vorvim gomun ailem.

 

Sogglea Navelkar-ank Festachim Porbim
Happy Feast to Navelkars!
Norman/Tessy n Marissa Noronha
Kuwait (Colmorod-Navelim)

http://www.facebook.com/#!/photo.php?fbid=10150553375871110&set=t.1669527734&type=3&theater

GLIMPSES OF NAVELIM FEAST IN THE RECENT PAST (on video)

 http://www.youtube.com/watch?v=SyBoaAXjaxo
http://www.youtube.com/watch?v=sHQsyfBOh40&feature=relmfu

All photos used are courtesy of GaspersWorld
http://gaspersworld.blogspot.com/2009/05/our-lady-of-rosary-navelim-feast.html.
 

 Norman Noronha kheritponnim Lino B. Dourado-che
ani Gaspar Almeida-che Abhar mandtat ani tancam Dhinvastat.

   http://aitaracheokaskuleo.blogspot.com/
www.goa-world.com   http://goablog100.blogspot.com
 

 

ANTONIO MANUEL PEREIRA "KALA GAURAV PURASKAR” 2010-2011

“WINNER”

of

Prestigious Goa State Award

“KALA GAURAV PURASKAR”

(2010 – 2011)

 Vow! This is amazing news!, and a well-earned reward for the musician who has put in so much of relentless efforts during his entire life.
I am delighted to say that Uncle Antonio hails from my ward “COLMOROD” Navelim, Salcete. 

We called his Band "LALA BAND". 

Katty de Navelim, has already paid respects to his group in his CD titled "Ugddas Tumcho", released a few years back. We are very proud of his son Ancieto who currently plays the drums, thus keeping up his father's legacy. Hats off! to you dear Ancieto.

Let me congratulate Uncle Antonio personally as well as on behalf of my mum Mariquinha, wife Tessy and our daughter Marissa.

Once again hearty congratulations!
May the Almighty God bless you with good health and cheer, always.

Norman Noronha
Colmorod (Kuwait)
Email: normankwt@hotmail.com
http://normannoronha.blogspot.com/2012/06/antonio-manuel-pereira-kala-gaurav.html


INFORMATION ON 'KALA GAURAV AWARD
http://www.goa.gov.in/pdf/Presentation%20of%20Kala%20Gaurav%20Awards.pdf

KONKANI LEKH: Xegunachi Sunn

XEGUNACHI  SUNN
Boroupi: Norman Noronha (Navelim/Kuwait)

Ek dhuv logn zaun dusre ghorabean bhitor sortana ek visvaxi ghorkarnn aplea ghorkarak zalear ek mogachi sunn tea ghorabeak zaun asta. Avoy-bapaychem zolmanchem ghor soddun dusrea ghorabean ek novem jivit suru korunk titlem sompem nhoi, toruipun to ek jivitacho bhag mhunn ostori mandun gheta ani soglea dukha sukhachi vanttekar zata.
Ostoreank kitlo obhiman favo nhoi?

Inglez bhaxen ek mhunni asa. Eka dadleachea kallzan bhitor sortolo zalear to rosto tachea potant savn suru zata “The way to a man’s heart is through his stomach”.
Oi! Hem sot khorem! Oxech thodde dekhave tumchea fudeant dovortam:-

Poilo Dhekavo
Moddganv Kamra lagsar:

Pirr---pirrrr---traffic pulise piluk’ke avazar sogleo motor-gaddi, skuttor, motorsaikol ani saikoli porian thambleo. Hanvenui mhoji Activacho krannnch korun brek marun mhozo dhavo paim zomnir dovorun pulisalo dusre pilukeche avazak ravtana, mhojea uzvea vatten don bhailancheo gozali choltaleo teo kannar sadonk lagleo. Tanchea ulovpancher teo ghorkanni (housewife) mhunn mhaka kollchea kollun tanchea boddboddi ulovpancher tanchim nanvam mhaka kollit zalim
Rosy : Hi Meena. Tum mu gho! How are you? Hubbycho fon ba yevunk na go?

Meena : Ago, amchem Facebookacher daily chat chalu asta. Laptop webcam-a velean bedicher nidhun hanv ani hubby ekamekak poit uloitat

Rosy : Oxem? Ani amgelo adlench ghevn asa.

Meena : Kitem?

Rosy :  Kadern ani laps. Potrakar nhi to? Asum tem. Kitem ghetlam bazarant?

Meena : Titlem kainch na. Aggo, sokallim burgeank iskolak soddun ailim ani bestench mhunn
sofacher visov ghevunk hadd podlelim. Thuinch dolo laglo. 11:45 vorar zagem zalear ugddas ailo aiz mhojea bikacho Road tax bhorunk nimano dis mhunn. Veg-vegim gelim. Sodanche bhaxen kedi voddli line gho baye. Don voram laglim tax bhorunk.

Rosy : Sarkem tujem. Gelea sumanant mhakai serpentine line mevleli. Ek sang. Tujea bikar asat tim koslim parselam?

Meena : Kitem korum baye. Time khoim asa gho randunk? Chinese jevnnachim parselam. Borem zalem amcho zorodd sasupai moron. Antam amkam, kitem-i cholta. Taka lagon xit-koddi korchi poddtali. Taka zaich asli. Bhailea jevnnacher bhurgim khup khuxeal zatat. Tunvem koslem jevonn randlam tor?

Rosy : Bhendde ghalun sungtachi koddi korunk zai mhunn sokall fuddench mirem vanttun ailelim hanv. Sungttam ani bhendde ghetleat. Mhozo vhoddlo put sungttam-bhenddechi koddi mhonllear, iskolache kopdde kaddunk visorta ani dhuv tor tiche hat levnche levun, mhoja-i bottank lagleli koddi lenvta.
Dusro Dhekavo
Kuwaitche eka offisant donparchea jevnna vellar
Charlotte : Wow! Boro gomgomit vass ailo! Tonddak udok sutlem. Kitem haddlam tifinan chepun?

Shyla: Vatoneacho ross ani chapatti. Ani tuvem?

Charlotte: Kainch na. Kentinan order kelam. Azun mellelo ailo nam. Potache bhuken undir roddtat.

Shyla : Punn, tujem tifin sodanch ghora thavn haddtalem.

Charlotte : Sarkem tujem. Hea disamni sasumai Goyam gheleli asa. Tich randop korta. Mhaka kitem kollta randpachem? Iskol sompon kollegik gelim uprant
kazar zalim. Mhoje avoy thaim randunk xikpak time khui mevla?

Shyla : Hea disamni jevnak kitem kortat tumi? Aggo baye, internet-ar recipe pollevn zaiti zannam randop ekdom sompem kortat. Tea bhair kosem randop korunk zai tem video pasun asat. Tem pollevn, amchem xezrachem Elvira porian xiklam.

Charlotte : Konak pasiens asa gho? Keddnai hotelan savn haddtat. Na tor two minutes noodles, canned stuff kam sompem korta. Kuch bhi chalta hai!

Shyla : Borem tumchem. Amgeleak zalear ghorchem jevnna xivay zainam nam gho baye.



Tisro Dhekavo
Navelim Igorjeche patosar.

Teena : Kitem hadlam Zelia? Zelia : Udipi savn bhaji puri ani Punjabi samosa haddleat. Amcheak samosa like zatat.
Teena : Boro mugho tumgelo nosto. Mhaka zalear upkaronam oslem. Chapatti korunk sokallim pitt moddun dovorlam hanvem. Chopatti mhonllear bhurgim jiv ghaltat. Holiday nhi aiz? Nidlelim astelim. Tim utthchea adim bhazun Toyar korunk zai. Aiz kitem program tumgelo?
Zelia : Sanje 3:30 vorancher Agostinache tiatrak vospachi asat ami
Teena : Arre good. Ami bhi vospachi asat. Mellchim intervalak. Chol chol vegin ia ghara
Chopatti bhazche bhazun randunk zai.
Zelia : Randunk? Haven zalear amgeleak sanglam matse vegin bhair soria. Hotelacher
Chinese jevon , magir vechem mhunn tiatrak.
Teena : Tumche borem baye. Haven zalear kal roast beef korun dovorlelem. Aiz fokot sorak
ani xit korpache.

Hanv sutteant Goyam vetam ten’na mhojea nodrek ailam. Zaiteo bhaileo kamank vochonant. Noxib tanchem. Tanche ghorkar bori pagarachi nokri kortat ani apleache bhailek suseg diat. Tannim fokot bhurgeanchem ani ghorcho vavr samballunk.
Punn ojeap mhonllear ekuch nhoi pun don-don kamdaram thoddeanchea ghorant kam kelelim distat. Ekteach Devak khobor Gulf-ant, tarvar vo zaum tem Europant kosle tras kaddtat mhunn.

Tumche ghorkar sutten ghora pavtat ten’na tumchea hatantlem thoddem bhov 'special' randun tankam divnchem. Hea vorvim ghorkarakui gomon yetelem, tache pasot koxe planning korun tache ruchichem jevonn mezar dhortai tem.
Sodanch ek bori visvaxi ghorkarn zaunk vavrat.
Tumche ghorkarank aplem hodd’dem fulloun tankam mhonnpak ek sondh diat.
Mhoji bail ghor-sonvsari. Tumchea borea gunnank lagon tumchim sasupai-maim ghorvan mhuntelim. Putan haddlea “XEGUNACHI SUNN” .

[Kherit dhinvas Lino B. Dourado http://aitaracheokaskuleo.blogspot.com/
ani Gaspar Almeida-k, www.goa-world.com ]

KONKANI KOTHA: Mutt Bhor Mati !!!

KONKANI KOTHA:   Mutt Bhor Mati !!!

Boroupi: Norman Noronha (Navelim/Kuwait)

Minguel ani Santanachea sukhi kazari jivitak odik khuxealkay divnk, Rochnnar Bapan tankam sobit don bhurgim dilim. Cheddo ani cheddum. Minguel Goyantuch kam kortalo ani aplea famili sangatak khuxeal jiyetalo. Punn disan dis vaddte margaiek lagon tanchea lagim favo te porim sukh aplea familk divpak ghoddo naslem.  Mingeul ek boro disel mekanik aslo. Aitar-chi sutti asta ten’na porian to lokachea gadienchem kam kortalo.  Miguelachi ghorkarnn Santana aplea ghovachem chintalem. Sodanch to kaman budlolo astalo. Suseog keddnam tachea darar yetolo hachi vatt pollevn, tem niraxi zatalem.

 

Vorsam soron ghelim ani Minguel atam Gulfant nokri kortalo.  Borem pagar taka aslem ani ravpak-jevpak funkot aslem. Kamank vorunk ani haddunk company-che bosichi sovloti asli.  Kuxeal aslo to. Mhoynneanchea mhoynneank to poixe aplea bail-ek dhaddtalo. Bankanchea bukacher duddvanchi vaddai zateli pollevn bail-ui kuxealkay zaleli. Lhan aslelem ghor moddun  novem ghor bandlelem.  Tancho cheddo Milroy kollegik vetalo zalear cheddum Shirley fashion designing kurs kortalem.

Milroy-ak ekuch chinta asli. Purtuguez passport korchi ani bhaile terak vechem.  Tacho bapui zaite pavti xiddkaytalo. Tannem Goyantuch kam korun pott bhorchem. Punn bapaichem kannar laun ghevnk nam tannem. Xekim Milroy-an konna ektea agentichea adaran Purtuguez passport korun ghetli.  Zaite amchem Goenkar ajun humumxayecho Portuguez sorkarak ghallieo martat punn passport korpak mat fattim ravonant.  Naslole vetat te vetat, borem asa; punn aslole purvozanchem ghor-dar-bhattam vinkun chodd vetat. 

Milroy xekim London pavlo. Khub tras kaddlea uprant taka ek bori sirvis favo zali.  London oslea deshan tannem zaite nove ixtt zhoddle. Goyam aslolea baxen taka distalem. Survatek ghorchea humallean portean portean phone kortalo. Bapui babddo ajunui Gulf-ant kam kortalo.  Tachim ani thoddi vorsam urlolim bospagari zavpak.  Dollem ugte astana to chintalo aplea ekteach cheddvak kazar korpak. Goem pavtoch soireank-sezareank  bodayen sangtalo. Cheddo Milroy astana taka koslich bhirant ani husko nam mhunnon Shirley-ik kazar vhodda gonngonnan korpak. Milroy-achea adaracher tannem buddkolo randonir dovorlolo.

Xevttim, Minguel-an Gulfantli nokrecho ‘retired‘ zaun Goyam ailo ani poilem chintlem cheddvak kazar korpak.  Milroy-ak phone korun sanglem ani taka-i bhoinnichea kazarache soglle toyaren tannem Goyam yenvchem mhunn. Milroy nove kodden sirvesek laglolean tachean kazarak ajir zaunk zaina mhunn nib dilem. Minguel ani Santan zaitim roddli cheddvak resperak bhair kaddtana, punn dusre vatten tim dadhos aslim cheddvak eka borea goreabant kazar kelem mhunn. 

Milroy Goyam yevpachem bilkul chinti naslo. London-an eka cheddvachi ixttagott zaun to kazarui bhi zalo. Tachea guptea kazarachi khobor avoy-bapaichea kannar eka borea mon’xan ghatli. Fonavelean hea vixim vichartoch tacho sonvsar ghoddunk avoy-bapaichi porvongi naka mhunn tonddbhor zolm ditelea avoy-bapaik tannem sanglem.

Mai-Pai-chem tras to visorlo.  Putachem onupkarponn chintun-chintun Minguel-ak kalzachem duens zalem ani disan dis tachi bholaiki bhigdot vetali. Santana dis rat dolle volle korit aslem ani Devak xintalem.

Avoy-bapaiche khoxtt ani teag chintinaslole put tim jivim astona tanchi khobor ghenant zalear tannim tim mellea uprant tanchi mutt bhor mati nakach naka zata. Tech toren, Minguel ani Santana-kui distalem. Dekun, konnui tanchi khobor ghenv yeta-vetalea lokak tim sodanch sangot aslim. “Amchea moddeacher Milroy-ak mutt bhor mati ghalunk kosloch odhikar ascho nam”. 

Dis rat tim ghov-bail xirap ghaltalem aplea Putak ani mhuntalem ami morot zalear naka amkam tujim  Mutt Bhor Mati !!!

Norman Noronha
<normankwt@hotmail.com>

Khuxealborit Paskanchem Festachim Porbim tumcam soglleank.
Happy Easter to You All.
www.goa-world.com
___________________________________________________________________________________\www.avona.org
___________________________________________________________________________________


The First Online Konkani Music Station - Started on March 14, 2000http://www.live365.com/stations/61664
www.goa-world.com/goa/music/

__________________________________________________________________________________

https://sites.google.com/site/bahraingoans/xit-koddi---mar-2012

Konkani Kotha: SOIRIK

KONKANI KOTHA:   S o i r i k

                                            Boroupi: Norman Noronha (Navelim/Kuwait)

Ek dis sanjecho osoch ghara portotalom. Itlea vegim ghara voson kitem kortolom? Hanvem mhakach vicharlem. Thoddo vell pajecher bosun sartolom. Mhojea vicharak hanvemnuch zap dili. Mhoji Activa stand-ar kaddli ani pajer boslom. Itlean konn eklo bond poddloli motorsaikoll  lokoit, lokoit yeta to dislo. Bogum babdeachem. Mhojea monant tache churchure kortam mhonllear to mhaka lagim pavlo. Polelear konn?  Amche ghanvcho novo kazari Alexandr (Alexander).

 

“Nhovrobab Mabrook! Mabrook!” mhozo hat tachea hatant divn taka porbim dilim

“Normanbab thank you! Thank you! Kedna ailo re?”, bond poddloli motorsaikol stand-ar kaddun tannem vicharlem.

“Zale sumar char dis. Konn ekleachem nimanne parcel aslelem tem divn ghara portotalom. Ghora vochun kitem kortolom? Mhottlem, hea amchea mellpachea zagear bosun tumchea oslea ixttanchi vatt poloit ravtolom”

“Thank you re tuka, anik ek pavtti”

“Kiteak re baba?”

“Kazara disa tunvem pattoun dilolo Fulam Turo ani Champagne bhett amkam mevli.”

“Tuji vhokoll sobit dista”

 

“Kitem? Mhoje vhoklek keddnam pollevn kaddli re tunvem?”

”Are baba, atanchi technology ekdom fast. Tumchem reception sompchea adinch mhaka tumcho fottu pavlolo. Ponnjechem ‘Expression Flowers Shop’ ekdom borem kam’ korta. Tannim mhaka tumchea fottvasoit e-mail pattoun dilo”

“Oxem?”

"Anyway. Welcome to our family! I mean Kazari famil!  Sang, koxe cholta tuje kazari jivit and vhokol khoim thaun faraili re?", hanvem vicharlem

Normanbab,  kazar soirikechem. Goyant kam' korta tankam cheddvam care korta baba? Hanvem soirikeo poloileat tacho hixeob asa re? Nokri korta toslem cheddum sodtalo mhunn, chodd tras zale. Aicha khallar ghov bhail kam' korina zalear udharposonn zata baba? Soirikenchem thoddem bhov sangtam tuka"

 

Poili Soirik: Soirikarn Jakinmanan haddli. Cheddum ganvan Colvachem.  Eka Aitarak Jakinmanak ghevn cheddvak pollevnk bhair sorlom. Gaticher saun bell marli. Ghantti avazar 'bhou-bhou' korun ek sunnen bokunk laglem. Suneacho avaz aikon hanv bhielom. Itlean "Jacklin Jacklin" ulo marit mothvem kalsanv nhesleli modlea pirayechi ostori darvonteaxim aili ani darvontto ugdit mhontlem. "yeat, yeat. tumchi vatt poitalim ami" Amchi svagat korteli ostori ghoddie vhoklechi vhoddli bhoinn asot. Oso sumar hanvem kaddlo. Aileo poile tancheo gozali somplea uprant Jakinmanan sodpus korun vicharlem.

"Khoim asa go tuji dhuv. Apoina taka?

"Bhitor asa. Nigtench dotorn xikoun ailam?"

Oh. Hi tor vhoklechi modern maim. Sasu koddok. Dhuv kitli kai? Igorjen dotorn xikoita. Astelem Dev bhirantichem, hanv mhojem mhattem korpit tanchea vixim chintana--------

"Ganvchea iskolan primary teacher", Jakinmanan mhaka sanglem. Hanv khos zalom. Sirvis kortolem cheddum favta mhunn. 

"Hi poi mhoji dhuv", salant yevn ubem zal'lea cheddvachi vollok avoyn korun dili ani cheddvak pollevn tinnem mhonnlem, "Ho poi........."

"Zannam hanv. Tachem nanv Alexander. Jakin Auntin fonar sanglelem.

"Hi, I'm Zelia, pleased to meet you", mhaka hat divn tannem aplem nanv sanglem.

"Same here", hanvem mhontlem.

"Aunty koxi asa?',  Jakinmanank veng marun zap dili ani amkam sofar bosunk agro kelo. Uloipachi survat koxi korchi? Tea vellar monant kaim ek yena zalem. Salant voslolem monemponn nopoit korcheak hanvem cheddvak vicharlem.

"Koxi gheli dotorn?"

"Aiz dotornicho vixei pelecheo mog korcho....", tichem sompchem adinch Jakinmanan zap ghatli.

"Bhurgeank ekmulim ulonvdi"

"Bai, vhoir teresir vochun tumchi khuxi uktayat", vhokleche avoyn mekleaponnachi chavi dili. 

"Tujea monant kitem asa? Asai nhi khuxi mhozo sangat zhoddunk?", teresir panvtanch soroll hanvem vicharlem.

Thoddo vell mhojea vichara vixim chintlea uprant tannem pois udon vetelea suknneache jodir nodor marit mhontlem. "Aiche dotornicho vixei peleachea mogacho aslo mhunn hanvem sokoll salant ugddas kelolo. Sarkem sangchem mhonller hanv eka cheddea lagim friendly  asam, 4 vorsam odhik zalim. Punn to mhojea poros vorsamni lhan ani ajun bori sirvis korina mhunn mhoji Mummy Daddy mhoje khuxe bhair  tuje lagim kazar zaunk forsar kortat. Zata zalear mhaka adhar kor. Tuka hanv sapuch mandunk nam mhunn sang ani hem soirikechem natem toddun di.", oxem sangun tem man poddink ghalun mhojea zapek ravlem

Mog ekleacho ani kazar dusrea vo mhojea thaim? Hem tor sobonaslem. Dekhun tiche avoyk mhaka khuxi nam mhunn sanglem ani soirik moddli.   

Dusri soirik xezari Lorecinmauxen haddleli. Cheddum Agonda-echem. Sekretarachi nokri kori. Agonda? Itle pois? Hea lamb vatter cheddvak pollevnk mhoje paim mothve zale. Punn Lorecinmauxen mhoje avoyk buloili. Cheddvak pollevnk Agonda vochunk goroz nam mhunn sanglem. Cheddvachi timaim Moddganvche eka hospitalant 'admit' kel'li asa. Cheddum thoim yetlem. Hospitalant soirik? Mhaka vichitr dislem. Punn Lorecinmauxen aplem xanneponn dakoilem. Hospitalant khasgi ulovpam korunk zage asat. Oi na, oi na oxem korit tichea vangdda ek fulancho turo ghevun bhair sorlom.

 Cheddum amche poilim yeun toyar aslem.  Tem goddie sozmolem zait hanvem haddlelim fulam taka mhunn. Fulancho turo ghevn soroll duent aslole ticha timaimxim ghelom ani tichi khobor ghevn turo tichea hatant dilo. Cheddvache avoyn dhuvechi vollokh korun dili. Rupan aslem borem punn angan mothve ani kens 'boycut' aslele mhunn mhaka cheddum anvddunk nam mhunn hospitolantlim bhair sortana hanvem Lorecinmauxek sanglem tednam tinnem mhontlem."

"Kitem zalem baba cheddum mothvem vo lamb asler. Bed-ir forok disona nhoi?", Osleo moskori korpak Lorecinmauxi bhouch chalu asli.

 

Maink vicharlem. Tanchea xezareak aslolea eka cheddvache avoyn mhaka ek dis maxenagher ghelole kodden poloilo. Bhav Gulfan nokri korta ani sutten hea disamni ghora astona bhoinnichem kazar korunk sodta mhunn sanglem. Tech sanjer Vasku pavlim. Cheddvacho avoy-bapui ani bhavak pollevn hanv nervous. Cheddvan ITI tailoring kurs kela. Gharantuch xivon korta. Giraikak divnk vell nam. Hispa bhair giraik zalelean tannnem anink dogam cheddvank adharak ghetleant khoim. Hanv sodtalo horvem mhaka pikil'lem mell'lem.
Ani oxem korun anikui don-tin soirikeo mhojea monantleant zaunk naslolean moddleo. Punn eka sokallcha vellar, Karnavala poilea disa Vaskuchem maxen amgher pavon sorlem. Karnavalache khell mhollear Maxen pixem. Ani te soddun tem amgher? Kitem tori khas kharan aslem tem amgher yevpak.

Dolle boro sarkem rup. Ulovop modur tallean. Poilech kinnank tachi nodor kallzachea darar marli. Dar ugdunk hanv toyar. Ekuch, tinnem khuxi dakounchi asli. Soirikicho nikall dusrea disa dita mhunn tichea bhavan, maxenank kollit kelem. Vasku thavn Navelim vatter astana vatter melltat titleach khuris, kopelam ani igorjant aslolea sant-bhogttam ani saibinnim thaim hivui soirik moddchi nhoi mhunn khottkhottean maglem. Nidunk ghelear nidh poddona zali. Haddvo tiddvo poddtalom. Faleancho nikall mhojea favorar zatolo kai? Monantlea huskean guspoddlolo astona fon vazlo. Fon cheddvachea bhavocho aslo. Kallizache pulse odkik mottean vazunk lagle. Fon kanank lailo. Ani vhokllechea bhavan aplea bhoinnichi khuxi uktayli. Mhojea lagim kazar zaunk soglli toyari zali.

"Arre, uloitam, uloitam hanv sapuch visorlom mure?", tannem avchit mhonnlem.

"Kitem visorlo?", hanvem vicharlem.

"Vhokoll bayen sanglolem bojeanchi ruch ailea mhunn. Dekun, Pondoricha chaye dukannar thavn boje haddlole te ghara lagim pavlech nant.  Hea motorsaikolin trasan ghatlo"

"Parabens"

"Kiteak re?"

"Vhokoll bayegher good news asa"

"Ogi rav. Bexttoch fokandam kortai", tanne lozun mhonnlem.

"Arre ek kam' kor. Mhoji Activa ghevn voch ani ruch ailoleak vegim di. Tea mhonnosor hanv hangasor bosun amchea mogachea her ixttanchi vatt polletam Ani ek aik. Ami aiz sanjer novench ugoddlolem Belem vattarant  'Evening Sun Set' Restuarant-ant celebration korumia------"

- Norman Noronha
www.goa-world.com


Norman Noronha ani Famil sogglea Navelkarank Festachim Porbim Aundeattat.
May Our Lady Bless You All.
________________________________________
November 2011  (c) All rights reserved.
Photo circa 2010 by Simon Dias of NYC-Kuwait Members and Well-Wishers at the Holy Family Cathedral, Kuwait City, after the Feast Celebrations.
http://www.wmpress.org/wtg_text/goan%20konkani.htm

Good Luck Mr. Jackson

Konkani lhan kotha: Good Luck Mr. Jackson "Marriages are made in heaven and accomplished on earth" Logn sorgar thavn bandun haddlolem asta, oxem ami mhonntat.  Logn mhonllear, ek nazuk sombondh eka daddlea ani ostore modem.  Ho sombondh borem bhaxen nibaunk ek khas kaido nam, nhoi mhunn ek pustok, zacher pollevn ek joddem aplo sovnsar korunk xokta.  Ho somoz bore bhaxen nibaunk zaitem pasiens ani somzikai zai poddta.  Oslo somoz aichea joddeam sovem zoborxi disona, odhik korun bail nokri korta ani ghorkara poros odhik duddu zoddta zalear, tiche kagod hatant dorunk zaina. Adlea tempar choddxeo ostoreo offisamni sirvis korinasleo. Teo fokot ghor-dhar ani kazarachea ekvottak zolmololea bhurgeank samballtalint. Tea tempar ghov- bailancho ekvott ekdom mozbut astalo. Atanche khallar, divors zatat toxe chante-pallar adim divors zai nasle.  Toxench, adle tempavelea bhurgeank TV, kompuitor, internet osleo sovloti nasleo. Mhonntoch, tanche mon ekdom sadem astalem. Dusre bhaxen ekdom inosent. Oxich ek adlea tempavelea ghorabeachi gozal. Ek dis sokallim Piedade (Pidu) santetayen bolkavant  boson aslem. To dis Aitar aslo. Bhurgim angnant khelltalim. Itlean, kale-holduvea rongachi ek taxi, tanche ghara islean  yeta ti, tannem polleli. Jack Santan (mothvea nanvan, Jackson), tacho ghorkar, viazik savn yevpache dis lagim pavlele. Dekun, Jackson bha zait mhunn, bolkayanchea humbrear  boslelem Pidu, ubem ravlem ani toch kai zalear pollevn astana, taxi tanchea darant thambli.  Tachea dolleani khuxallkaiechi dukham vhanvlim. Hoi! Piducho dhubav sarko aslo. Tancho put Lawrence (Lorsu), bapaik pollevn dhavim-dhavim vochun bapaik vengoilo. Taxi cholovpeachea adharan, foren vostumni bhorlolem samon, gharant bhitor haddlem.  Sogllim khuxall zaun samanacheo sutkexi ugodtalim. Lorsu, khaupachio ani khellanchea vostu sonspotalo zalear, Pidu garam masalo, kosmotik, ani chittir boroilolea pormonnem apnnalea bhoinnank, bhair-bhitor ghacheo vostu haddleat tancher nondor marit, ekan-ek vostu polletana, tachem tondd matxem ambott zalelem koxem distalem. Bhoinninche bhitor ghalcheo mustaki chittir boroilolea pormonnem eksarkeo haddloleo. Ghelea tin mhoynnem, ganvant poddlelea kimsanchea malaria piddek lagon, tageli kuddchi shape jirloli vo vozon unnem zaun tem barik zalelem. Bail kitle meren bhaglea ti, Jacksonank khobor naslolean, tannem haddleleo margeleo vostu tichea kuddik loose zateleo. Hench taka mottem pikasanv zalelem Ek dis Lorsu, bapain hadloleo chokleti bolsant bhorun lohu voson darant aslelea ambeachea khakdant boslo. Ek-ek korun chokleti khavpak laglo ani chokleticheo bhegoti khala udoitalo. Ganvche Filsu thoinchean pasar zatalem. Tannem Lorsuk vhoir ambeacher aslolo poilolo ani vicharlem  "Are baba kitem khata re " "Filsu-mana hanv ambeachi panam khatam", sotasot Lorsun zap dili. (tea tempar fotti koxeo marunk zai tem burgeank gomonaslem) "Are mostea, mhaka fottimartai? Pain haddloleo foren chokleti ektoch khatai mure? Jackson ghara aslear Piduche jivak bore distatem. Kedna-kednai tim saikolicher boson bazarant vetalim. Pidu ghorachea porsan udok ghalta zalear, Jackson taka bainchem udok kaddun ditalo. Tim sodanch ratchim chandneacher bolkavant boson mogan ghozali kortalim.  Bapui ghara aslear boro bazar haddtalo mhunn, Lorsu khuxi zatalo.  Tin mhoinnem zale Jackson viazik savn ghara ailear. Orxim tin mhoinnea borchea adinch porot viazik vetalo. Hea pavtti vospachi kainch khobor korina. Piduk ojap dislem.  Kitem zalem? Hea pautti lamb sutti kai kitem? Tem chintnamni poddlem. Jacksonank vicharunk taka borem disonaslem. Taka vaitt disot mhunn tem babdde oggi ravlem. Ek dis sokallim Piduk uttonk matso vell zalo. Adlea disa Jacksona borobor ghorantlem chodduch kam’ kelelem tea khatir, tacho jiv boroch toklolo.  Aturnavelem uttche uttun Jackson khoim asa tem pollevnk laglem. Soglea kuddini sodlo. Bolkavant bosla zait, punn, thoinsorui naslo. Goddie apleak uttunk vell zalo mhunn nidentlem zagoi nastona tintear bha ghelea asot, oso sumar kaddun tem aplea vavran gull zalem. Sodanche bhaxen angnant tem saron marunk laglem. Tanchea angnant ek vhoddlo ambeacho rukh aslo ani tachi panam zhoddon darant kochro zata mhunn, tem sodanch sokallim utton sarn martalem. Itlean tachi nodor rukache kandear (branch) poddli. Thoim ek dhove follir vhodd utramni boroilele aslem “Goodluck Mr. Jackson” Piduk sozmolem. Jackson konnak sangonastana viazik ghelo mhunn. Karan dor pautti to viazik vheta teddna tachi bail ani put taka veng marun roddtalim tem pollevnk tachean zai naslem. Dekun hea pautti to, aple kalliz zhodd korun lohu gharantlo bhair soron ghelo.  Jackson zanno aslo. Eka dadleachean aplem dhuh rokdench visrunk zata punn nhoi eke ostorechean. Oslea mogacha jodpeanchi, aichea kazari joddpeamni dekh ghevnchi.  Antancheo jodeo, matxe gharant tanv-tinv zalear, soroll kaideachea darar martat.  Divors file kortat. Oxem korun konnakuch faido zaina. Faido zata to vokilank. Karan divors kexi cholounk tanchi fee ghevunk zaun asa tancho dhondo……….. oxem tumkam disona? Norman Noronha http://www.goa-world.com/       Lapitt  http://aitaracheokaskuleo.blogspot.com/

 [ Amchea kherit dhinvas Lino B. Dourado ani Gaspar Almeida-k
http://www.goa-world.com/ hanchea ]

Octobr 4, 2011