Good Luck Mr. Jackson

Konkani lhan kotha: Good Luck Mr. Jackson "Marriages are made in heaven and accomplished on earth" Logn sorgar thavn bandun haddlolem asta, oxem ami mhonntat.  Logn mhonllear, ek nazuk sombondh eka daddlea ani ostore modem.  Ho sombondh borem bhaxen nibaunk ek khas kaido nam, nhoi mhunn ek pustok, zacher pollevn ek joddem aplo sovnsar korunk xokta.  Ho somoz bore bhaxen nibaunk zaitem pasiens ani somzikai zai poddta.  Oslo somoz aichea joddeam sovem zoborxi disona, odhik korun bail nokri korta ani ghorkara poros odhik duddu zoddta zalear, tiche kagod hatant dorunk zaina. Adlea tempar choddxeo ostoreo offisamni sirvis korinasleo. Teo fokot ghor-dhar ani kazarachea ekvottak zolmololea bhurgeank samballtalint. Tea tempar ghov- bailancho ekvott ekdom mozbut astalo. Atanche khallar, divors zatat toxe chante-pallar adim divors zai nasle.  Toxench, adle tempavelea bhurgeank TV, kompuitor, internet osleo sovloti nasleo. Mhonntoch, tanche mon ekdom sadem astalem. Dusre bhaxen ekdom inosent. Oxich ek adlea tempavelea ghorabeachi gozal. Ek dis sokallim Piedade (Pidu) santetayen bolkavant  boson aslem. To dis Aitar aslo. Bhurgim angnant khelltalim. Itlean, kale-holduvea rongachi ek taxi, tanche ghara islean  yeta ti, tannem polleli. Jack Santan (mothvea nanvan, Jackson), tacho ghorkar, viazik savn yevpache dis lagim pavlele. Dekun, Jackson bha zait mhunn, bolkayanchea humbrear  boslelem Pidu, ubem ravlem ani toch kai zalear pollevn astana, taxi tanchea darant thambli.  Tachea dolleani khuxallkaiechi dukham vhanvlim. Hoi! Piducho dhubav sarko aslo. Tancho put Lawrence (Lorsu), bapaik pollevn dhavim-dhavim vochun bapaik vengoilo. Taxi cholovpeachea adharan, foren vostumni bhorlolem samon, gharant bhitor haddlem.  Sogllim khuxall zaun samanacheo sutkexi ugodtalim. Lorsu, khaupachio ani khellanchea vostu sonspotalo zalear, Pidu garam masalo, kosmotik, ani chittir boroilolea pormonnem apnnalea bhoinnank, bhair-bhitor ghacheo vostu haddleat tancher nondor marit, ekan-ek vostu polletana, tachem tondd matxem ambott zalelem koxem distalem. Bhoinninche bhitor ghalcheo mustaki chittir boroilolea pormonnem eksarkeo haddloleo. Ghelea tin mhoynnem, ganvant poddlelea kimsanchea malaria piddek lagon, tageli kuddchi shape jirloli vo vozon unnem zaun tem barik zalelem. Bail kitle meren bhaglea ti, Jacksonank khobor naslolean, tannem haddleleo margeleo vostu tichea kuddik loose zateleo. Hench taka mottem pikasanv zalelem Ek dis Lorsu, bapain hadloleo chokleti bolsant bhorun lohu voson darant aslelea ambeachea khakdant boslo. Ek-ek korun chokleti khavpak laglo ani chokleticheo bhegoti khala udoitalo. Ganvche Filsu thoinchean pasar zatalem. Tannem Lorsuk vhoir ambeacher aslolo poilolo ani vicharlem  "Are baba kitem khata re " "Filsu-mana hanv ambeachi panam khatam", sotasot Lorsun zap dili. (tea tempar fotti koxeo marunk zai tem burgeank gomonaslem) "Are mostea, mhaka fottimartai? Pain haddloleo foren chokleti ektoch khatai mure? Jackson ghara aslear Piduche jivak bore distatem. Kedna-kednai tim saikolicher boson bazarant vetalim. Pidu ghorachea porsan udok ghalta zalear, Jackson taka bainchem udok kaddun ditalo. Tim sodanch ratchim chandneacher bolkavant boson mogan ghozali kortalim.  Bapui ghara aslear boro bazar haddtalo mhunn, Lorsu khuxi zatalo.  Tin mhoinnem zale Jackson viazik savn ghara ailear. Orxim tin mhoinnea borchea adinch porot viazik vetalo. Hea pavtti vospachi kainch khobor korina. Piduk ojap dislem.  Kitem zalem? Hea pautti lamb sutti kai kitem? Tem chintnamni poddlem. Jacksonank vicharunk taka borem disonaslem. Taka vaitt disot mhunn tem babdde oggi ravlem. Ek dis sokallim Piduk uttonk matso vell zalo. Adlea disa Jacksona borobor ghorantlem chodduch kam’ kelelem tea khatir, tacho jiv boroch toklolo.  Aturnavelem uttche uttun Jackson khoim asa tem pollevnk laglem. Soglea kuddini sodlo. Bolkavant bosla zait, punn, thoinsorui naslo. Goddie apleak uttunk vell zalo mhunn nidentlem zagoi nastona tintear bha ghelea asot, oso sumar kaddun tem aplea vavran gull zalem. Sodanche bhaxen angnant tem saron marunk laglem. Tanchea angnant ek vhoddlo ambeacho rukh aslo ani tachi panam zhoddon darant kochro zata mhunn, tem sodanch sokallim utton sarn martalem. Itlean tachi nodor rukache kandear (branch) poddli. Thoim ek dhove follir vhodd utramni boroilele aslem “Goodluck Mr. Jackson” Piduk sozmolem. Jackson konnak sangonastana viazik ghelo mhunn. Karan dor pautti to viazik vheta teddna tachi bail ani put taka veng marun roddtalim tem pollevnk tachean zai naslem. Dekun hea pautti to, aple kalliz zhodd korun lohu gharantlo bhair soron ghelo.  Jackson zanno aslo. Eka dadleachean aplem dhuh rokdench visrunk zata punn nhoi eke ostorechean. Oslea mogacha jodpeanchi, aichea kazari joddpeamni dekh ghevnchi.  Antancheo jodeo, matxe gharant tanv-tinv zalear, soroll kaideachea darar martat.  Divors file kortat. Oxem korun konnakuch faido zaina. Faido zata to vokilank. Karan divors kexi cholounk tanchi fee ghevunk zaun asa tancho dhondo……….. oxem tumkam disona? Norman Noronha http://www.goa-world.com/       Lapitt  http://aitaracheokaskuleo.blogspot.com/

 [ Amchea kherit dhinvas Lino B. Dourado ani Gaspar Almeida-k
http://www.goa-world.com/ hanchea ]

Octobr 4, 2011

Pisull'lolo Mog

Pisull'lolo Mog 

-Boroinar:  Norman Noronha

 Eke astig ani nanv voste komponent managerachi nokri kortolo Shri Ronaldo Kuveitt-chea vimantollar apnnalem samon check-in kortat tea vollir ubo aslolo. Tachea fuddem ek ostori ubi asloli ani ti check-in kortolea odhikarea thaim uloitali. Ticho ulovpacho avaz khoim tori adim aikolelea porim Shri Ronaldak dislem. Kannache pordde tea ostoreacha avazar nitt dovorun Shri Ronaldo to vollkicho avazchi yad korit astona, check-in  kortolea odhikarean mhontlem.

“You may please wait at the side until you make up your mind-----next passenger please!”

Samonanchem vozon subeij aslolean, voznank bhorpache duddu unnem korunk ti ostori poratali. Odhikarean sanglolea pormonnem vollir asloli ti, apnnalem samon ghevn patt portololi tea vellar tichi ani Ronaldachi nodor eka-mekak dhol’li. Ronaldo tika pollevn eksarko thotaklo. Ti ostori tachea adlea mogi Cynthia eksarkem rupachem aslem. Te ostorek Ronaldachem mukhavoll vollkichem koxem laglem. Dogaim ekuch dixen khoim tori sanddlolea monacha somdirant buskelim. Dolleanchi nodor haloinastona tim eka-mekak polloit astona itlo temp sandloli yad tanchi zagear yevn ekach avazar dogaimni mhonntlem? “Konn tum Cynthia? – Oi!!! Ani tum Ronaldo?”

 

 Dolleank mell’lloli dixtt kalzachea bhavnnank ugti korta mhonllear check-in kortolea odhikarian, Ronalda-k tachem samon, vozon mesinar ghalunk sanglem. Tem zatoch, hatant boarding pass ani passport ghevn to nitt Cynthia ubem aslolem thoinsor ghelo. Taka odhik polleta titlech tache kallzache dhobdhobe (pulse) vaddot ravle. Lagsar pavtoch tannem sottasot proxn kele:

“Cynthia tum hangasor Kuveitt? Keddnam pavlem? Koxem pavlem? Tuji bholaiki kosi? Ani tujem…”

"Puro puro.” Modench tondd ghalun Ronaldak fuddem ulovpak dinastona tem uloilem. “Hea tujea sogllea proxnache zapo hanv uprant ditam. Punn, sodeak ek vhoddlo proxn mhojea samkara asa to mhonnlear hem mhojem ek handbag samonan subeij bhorlam. To offisor kosoch aikona. Duddu bhorunk sangta, ani tevui khub chodd.”

 “Itlench? Kiteak bhielam? Mhoje lagim handbag na. Di tem mhojea hatan.”

“Thank you. Mhonntat nhi. Fatrak fator mellta tosoch monis mon’xak melltat. Kitlech vorsamni porot ekdam amchi bhett. Ani poilech bhettek tuzo adar”, Cynthia upakranchea ummalleamni uloilem.

Baroboruch dagaimni immigration check korun duty free shopar bhitor sorlim. Kuveitt-Goem Indian Airlines vimanacher vochunk khup Goykar pasinger duty shopar shopping kori. Kitem-i uloilem zalear tanche kanar poddtelem tea khatir, Shri Ronaldan, Cynthiak coffee shopar mellunk lipchoriam sinal kelem. Ghorjecheo vostu vikot ghetlea uprant Shri Ronaldo coffee shopar bosun Cynthiachi vatt polloit boslo.

“Kitlea vorsam amchi bhett?” Addlea eka mog kornarachea uballeachim dhukam dolleant haddit apli boska ghetana Cynthia zhodd talean uloilem.

Ekach kollejin tim xiktalim. Cynthia xikpan ekdom huxear aslem. Futtbol khellant Ronaldo bhouch huxear khelltalo. Thodde khepek luctures bunk marun khellunk vetalo. Dusrea disa chuklele obeas kollejicha librarin bosun Cynthia-cha adaran notes boroun ghetalo. Itlench nhoi.  To sozmonk na zalear somzaun Cynthia taka xikoitalem.  Kollejiche obeas xiktam-xiktam tannim mogacho obeasar hat bhonvdailo ani tim mogan poddlim.  Dogaimni sangatak B. Com pass keli.  Arthik (financial) prosthotik lagun Ronaldok fuddlem xikop korun zalem nam.  To rokdoch eke koponen kamak laglo Cynthia university-n voson M. Com meren xiklem. 

"Cynthia tum kitem ghetolem?" Rudolfan vicharlem. 

 “I’ll have coffee” 

"How about some snacks?"

“No its ok”. 

Ronald-an don kofik oddor dili. Goddielir nodor marli.Viman udnek vell aslolean tannem mhonntlem

"Sang tuji itlea tempaveli khobor. Yad zainam amchi nimnni bhett kedna zaleli poi ti. Kazar zaun bhurgim vaddlim astolim tumchim..........." Ronaldo fuddem ulouncho bond zalo. Cynthiacha dollean ghosghoxeanim dukham vanvtolim pollelim. Ronaldo thotaklo. Sorrbhonvtonim aslolo lok tankam polletalo. “Cynthia control yourself!!!! Kachabull monan Ronaldon mhontlem. 

"Futtkea noxibachem hanv. Avoy-Bapain zaiti girestkai divn mhaka kazar kelolem. Cheddo ekdom boro. London bori sirvis korta mhunn sangon, konn ek kharbarean ti soirik mhaka keloli. Kazar zatoch rokdench mhaka London velem. Thoinsor mhozo sonvsar kosllun poddlo. Mhozo ghorkar eke gore katicha ostorechea mogan aslo. Drugs ghetalo. Fokot aplea familichi khuxi puri korunk tannen mhozo sangath zodlolo.  Hem sogllem London pavtoch mhaka ghomun ailem. To kitlech pautti soro pivun sintidavin ghorant uxir pavtalo ani thoddde khepek yenastana rautalo Hanvem kharan vicharlem zalear Shut up you stupid Goan fool, mhaka kentalo. Goyant konakuch hi khobor gomoili na. Zaite toren sozmaylo. To sudortolo oxi vatt polloit ravlim",  handbegantlo lens kaddun vanvtelim dukham pusit Cynthian fuddem uloilem. "Ek dis chintunk naslele goddlem. Ghorkarache drugs overdose zaun to hea sovnsarak ontorlo. Thoddim vollkichi Goykaram aslim. Tanchea  adharan tachi kudd ghevun hanv ganv-ghara ailim.  Tachi ghorchim mhoje churchure korche bodlek mhonnonk laglim Ponnvotti khoinchi. Amcha putak khavun uddoilo.  Eksurponn sosunk zaina zaun hanv sarkim pixim zalim. Dekun mhojea avoy-bapaim mhaka portun ghara velem.  Mhojem dukh visrunk zai mhunn mhoje  mauxen mhaka Kuveiit haddlem. Hangasor hanv  eke komponin kam' kortalem."

 Steward-an mezar haddun dovorlolea kofik ghontt marit tem fuddem uloilem  "Mhoji mauxi toxinch ghorchim mhaka porot kazar korunk sodtalim.  Zaitto soiriko mhaka yetaleot , punn mhozo poilo ghorkar, ek drug addict aslo mhunn aikotoch, tankam dhubav zatalo. Taka goddiek AIDS duens aslem tem mhaka zalam zait mhunn. Ani hench kharan mhojea lagim konn kazar zaunk fuddem soronaslo.  Dusrem kazar zaupachi chintam antam hanvem soddun dileant. Mhojem visa residence cancel kelam ani porot vetam. Hanvem somazik vavr korunk yevzilam. Borexea NGO-cho sangath korunk ani mhojem udharon diun zaitem chedvancho fuddar boro zaunk vavrunk chintlam.  Toxench antanchi mog kornaram jim mogan fottovtat ani rokdich vik pivon, ghoddar poddon vo udkant udki marun, aplo jiv sompoitat toslim odchoninink sampoddloleanchi councelling korun adar divnk mhozo fuddlo haves zaun asa", Cynthian thoddeach utramni, punn apli lamb dukhi jivitachi kanni Shri Ronaldak sangli.  

Monneponnan Ronald koffik ghontt martalo. Tachi churchureanchi kanni oggeaponnan aikotalo. Taka zaitem uloun distalem. Punn adle ghave ugte korunk taka borem disonaslem.  Thondd monan kofiche bil farik korcha vellar, Cynthian vicharlem

“Why are you so silent? Come on speak something."

 "Cynthia fokot hanv gorib mhunn tuje avoy-bapain tuka mhoji ixttagott soddunk sanglem.  Tuji avoy tuka mhuntali.

Aago to xethkanicho por tuka kitem diunk xektolo?  Pai retired P&O Tarvotti, ani Ronald Moddganv sirvis korun tachean tachea mai- paiche pott bhorunk sarkem zaina ani tuka go to, koslem sukh ditolo?  Sodd tachi vatt. Tuje avoyn amcho panch vorsancho mog, ekach kinnan rever bandlele ghor, lharache udkan kosollta toxem kollsun udoilo. Khoim asat tichim tim utram?  Aiz amchem daktem aslolem ghor moddun bunglow ubo kela.  Mhoji ghorkarn mhojim bhurgim mhojea sangatak Kuveittit asat.   Mhoje avoyk dolleanche operasanv asa dekun, hanv ektoch Goem vetam.  Bhurgeancha iskolak lagon mhoji ghorkarnn mhojea sangata nam. Tuji ani mhoji okosmat bhett zaun amchem ek noxib mhontlear zata."  

Vimantollar announcement zalo. Goycha pasingerank boarding korchak sanglem. Boslolea zageavelim tim utthlim. Cynthiachi panvlam zhodd zait ghelim. Ronaldachea sobdani kitem tori sot lipun aslem. Vimanant boarding kortana dolle bhorun taka roddunk ailem. Avoy-n, tanchea niz mogacher addkolicho dhanddo marunk naslolo zalear,  aiz eka pisull'lolea fulla porim, niraxi jivit sarchem naslem.

- Norman Noronha
Navelim, Goa/Kuwait

Best wishes on the Liberation Day of Kuwait

Best wishes on the Liberation Day of Kuwait


 - Norman Noronha

I first came to Kuwait in the year 1987, and in 1990 was all set to go for my first vacation from Kuwait, that fateful year, the invasion took place and my dreams were shattered. Instead of flying by Air directly to Goa and being received joyfully by family members we had to go through all that painful journey partly by Road and partly by Air from Kuwait to Jordan via Iraq and finally reached our motherland and were welcomed with tears of joys and happiness by not only the near and dear ones but by so many other concerned people. These days can never be forgotten.


 After reaching Goa, I alongwith my fellow Navelkars (under the banner of Navelim Youth Center, Kuwait) had attended the rally at Panjim on 12th November 1990 thus showing our solidarity to Kuwait.
 I returned back to Kuwait in the year 1991, which gave me a second chance to earn a living in Kuwait, a few years later got married and in 1995 when Kuwait made visas open for families my wife also joined me. Before invasion there were not so many families in Kuwait like we see today enjoying a family life in togetherness.

Along with my family, I am very grateful to the country of Kuwait for giving me the chance to work in this country and earn my livelihood, enjoy a better standard of living and also support my family members back in Goa.
 
Wishing Kuwaitis, Government of Kuwait and the ruling family of Kuwait all the best on the liberation day of Kuwait. May God Bless Kuwait for many more years to come.

Jai Goa !!!! Jai India !!!! Jai Kuwait.

Norman Noronha
Navelim/Kuwait

February 25, 2009

GULF-GOANS e-NEWSLETTER (since 1994)  

      

www.yahoogroups.com/group/gulf-goans/   http://www.goa-world.com/

http://goa-kranti.blogspot.com/



  




(Photos courtesy: Navelim Youth Centre, Kuwait and archives of http://www.goa-world.com/ (Gaspar Almeida) )

Konkani Lekh: VISVAS NAM - Norman Noronha

KONKANI LEKH:
VISVAS NAM                          - Boroupi: Norman Noronha


Amchea ganvant ghodlole eke ghoddnecho ugddas yeta.
Dog mog kornaram aslim. Rossi ani Rudolf.
Rossi xikpant titlem uxear naslem dekhun S.S.C. pas korun eka beauty parlor-an beautician-acho kurs kortalem. Rudolf ek lhanxe komponin Sales Representative mhunn vaurtalo.

Ek Novea Vorsa disa ganvchea bhurgeam ani loka pasot, ganvant vorsavolicho sports aslo Rudolph ani Rossi sui ani sutt (thread-needle) khellan partner koxi aslim. Suiechea burakantlean Rossi dago ghalunk tozvit kortanam Rudolph tachea dolleant poit aslo. Auchit Rossichi nodor tacher poddli ani teach vellar tanchi dogaimchi nodor ek zali anik dogaim eka mekak kitem sangunk sodtat oxem tankam dislem………

Dusre disa Rudolf kamank vetana tannem Rossik lift dili ani beauty parlorakode soddlem. Tisre dis ani choutea disa toxech zalem. Orxim Rudolph taka apli mogachi itsa sangunk sodtalo punn boll zainaslem. Punn choutea disa Rossik kamank pavoitona tannem kallzak dhir ghetlo ani Rossik sanglem apleak khuxi asa mhunn tachi ixttagott zoddunk. Tem murgottot hansun parloran bhitor sorlem. Panchvea disa Rossi sogllea sontosan Parloran vosunk mhunn bhair sorlem sozmon Rudoph meutolo mhunn, punn tea dissa to mevonk nam. Rossiche kalzant mogachi kitt suru zali. Dekhun to keddna porot mevtolo oxem tem poitalem punn babdem niraxi zalem. Sovia disa Aitar aslo. Rossi borexe kopdde nhessun misak vetana auchit ek motorbike tachea fuddem thambli.
Vollon fattlean poiloilear Rudolph! Rossi sarkem uchambol zalem. Hoch boro vell somzun Rudolphan poirche disa vicharlolea proxnacho ugddas kelo. Tachea koddlean oi vo nam zap mellpache vatter ubo ravlo. Jiber aslolea porim Rossin soroll mhontlem “I love you too”, ani teddna savn tim mogan poddlim. Rudolph, Rossik niamit (daily) lift diunk laglo. Bore nib ghevn kamachi guttli marun to taka date ditalo. Dorya deger vochun magache ubav sangatak sarunk laglim. Lohu-lohu korun tanchea dhatt moagchi khobor tanchea ghorchenk kollit zali. Ixttagottichi gozal tanchea ghorchea sovem uloili ten’a tanchea mogacher donui ghorabean addkoll addunk nam. Tim huskea vinnem zalim Dis, mhoinem soron sumar tin vorsam oxinch tim mogan bonvlim. Amchea ghara fatlean, xettantlean ek rosto asa. Tacher zoborxi vahatuk (traffic) aso na. Taka ami Love Road mhunntat. Him mogiam sodanch hea rostear distalim.

Oxench ek dis Rudolphan chintlem pordesant vosonk. Karan Goenchea pagaran don poixe tachean samballunk zainaslem. Tannem ek Agenta lagim sirvis poloili. Rosik kainch ek sangonk nam. Vochpachem sogllem tharear poddtoch ani visa hatant poddun fudlea mhoineant Gulfak vochpavhe vatter asa oxem Rossik kollit kelem. Rossi eke vatten sintir zalem nodre bhair to zatolo mhunn punn dusre vatten khuxen bhorlem karan tacho Rudolph antam borem pagar ghetolo zachi tankam goroz asli. Tannen khuxen aplea ghorcheank sanglem punn boltench ghodlem. Rossicho foren botticher kam’ korpi bapui nigtoch viaz marun ailolo. Rossichim avoy-bapui kazar zalear xivai Rofolphak bhailea desan vochun mellchenam mhunnn sangtoch Rudolph kachabull zalo. Rudolph apli arthik (financial) oddchon uktayli.
“Uncle mhoje xim kazaracho despez korunk poixe nant”
“Tum fokot kazar zaunk toyar za. Duddvancho khorch ami kortolim” Rossichea Bapain sanglem.

Babdo moga pasot tanche kustar kazar zalo ani eka mhoinean tachi visa ba stamp korun Gulfant gelo. Hea vatten Rossi eksurem zalem. Rudolfache gharant tachi zantti avoi asli. Tem ekmulea jivitacher bejarlolem. Kamar astonam vell sortalo punn ghora yetoch eksurponn khavunk yetalem. Rudolphacho chodduch ugddas yetalo. Rudolphakui tench bhogtalem. Osle poristithicher ek voros sompun gelem. Tim dogaim eka-mekak SMS daddtalim, fone kortalim ani kednaim internet chatar bostalim. Bailek aplea sangatak vegim haddchea khatir Rudolph zaito doddpoddtalo. Xevttim to sufoll zalo ani tannen oxi SMS daddli “Atam khuxechi dis lagim asat” tuji visa mevli punn bailecho reply vachun taka shok zalo “Mhaka Gulfak yevpachi khuxi na” Orxim tem sodanch apleak vor, vor mhunn taka bejar kortalem ani atam auchit kitem zalem??? Kitem zait gai hachem karan?

Eksurponnachi vaj ailoli. Kamank vetle kodden taka eka ankvar cheddeacho mog zal’lo. Tancho novo mog konnak khobor nastona brooch netan choltalo. Rudolphan koxei korun bailek raji keli apleaxim haddpak anik xekim Rossi Gulfak pavlem. Poile rati tem sanddlolea porim diso. Rudolphan vicharlear tem mhunnonk laglem apleak maim-paicho ugddas yeta mhunn………oxe thodde dis sorle.

Ek mhoino zatoch apleak Gulf anvddunk nam ani dusrim nibam divn porot Goem yevunk toyar zalem. Khorem mhonllear taka tachea novea mogachi umollxik ani kuddichi ruch lagloli.

Rossi Goeam pavttoch tannem Rudolfak nirop pattoilo. Rossin, sanglem apleak tacho anik mog nam. Divorce diun apnnak meklem kor. Hem aikon Rudolfache kuddint rogot suklem. To sozmolo tem apli fokana korta mhunn. Porot vicharlear taka toch zabab meulo “Maka Divorce Zai” Anik dusro upai nam zaun Rudolfan, Rossin courier-an daddlelim Divorce kagddacher soi keli. He bhaxen MOGAN KAZAR VISVAS NA ZAUN DIVORCE ZALO” Rossi aplea novea mogia lagim kazar zalem. Babdo Rudolph toxoch urlo.
Hea lhan kothetlian hanv itlench sangonk sodtam kim aicheo zodio (couples) aplea sangatiak visvaxi ravona. Toxench soglle nirnoi tankam sotasot ghevunk zai tim ekamekak sozmona zoxi adlim zoddim sozmotalim.

Ek kazari jivit sufoll zatolem zalear ekmekacher visvas gorjecho. Kazari jivitachi bhuniad mhontlear eka mekak respet-man divop ani eka mekakcheo chukio bhogsun ekamekak sozmon ghevop.
Somzikaieche amche ghorabe zaunk mhoje anvdde.!!!!!!



[Kherit dhinvas, Lino B. Dourado-k, www.goa-world.com]

Kazarachea Dias - Norman Noronha

Konkani Kotha: Kazarachea Disa

KAZARACHEA DISA
- Boroupi: Norman Noronha
(Colmorod, Navelim, Goa/Kuwait)




Kazar mhuntlear eka daddlea ani ostore modim ghoddun haddlolo ek povitr sakarament zo, Devan ghoddla ani mon’xamni moddunk zainam toslo ek mozbutt ekvott. Thoddim mogan kazar zatat zalear thoddim soirigotin zatat. Halinch ek novi poddot ailea. Internet marriages. Zaite Gõykar jodeo internet-ar mogan poddun kazar zaleant. Gelea vorsa hanv Gõyant ghel’lom teddna, eka soireanchea kazarak hajir zaunk mhaka sondi mell’li. Open-air hollant boson astana mhaka adle tempa velea kazaracho ugddas ailo. Khorench, atam khall bodolla. Mon’xanchem chintop bodollam ani tech barobor kazaracheo rit-rivaz bodoleat mhontlear , hanv chuk adarchona.


Kazarache Amontronn Adim vhokol nhoureacho avoy-bapui nam tor ghorchim mon’xam ganvantlea ghor-ghoramni bhovun kazarachim kardam porxim vorun vhantalim. Atanchea khallar fonavelean amontronn ditat Thoddim amontronn kard email attachment korun emailin daddtat. Lokak choddso vell na mhunntoch (fokot borea kamakuch) sogott zann emailinleant ail’lem amontron svikar kortat ani kazarak hajir zatat. Adlea xezareank ani soireank porxim vochun kard vo amontron na dilem zalear boroch vhodd xinn kortalim.



Suvallo: (Reception) Adim choddxim kazaram ghorachea angnant mattov ghalun zatalim. Mattovkar dhoveo olio (white sheets) marun darant mattov ghaltale ani mattvachea sorbhonvtim rongit freel lamboitale. Xezarim ani soirim yevn amursanv kortalim. Charui vatamni sumb (coir rope) bandun tacher ramacheo chutio ghalun, folio ani fuge bandtalim. Zomin petovne (wooden compactor) ghevun boro pett (compaction) nachpachea agnnant martale uprant tacher thoddem udok ximpdavop ani dodinicho pallo ghalun zomin netoitalint. Petromaxachea divear adlim kazaram sobhovtalim. Antanche khallar special evetst management company asat. Tankam kontrad ditat ani te yevn ready-made kazaracho suvallo sobhoitat

Kazarachi Nesson: Vhokle Nhoureachi nhesson mat adlech isttaylichi.. Voklechea vistidacho rong dhovo asa punn thoddeo voklo moriadi bhailo vistid xinvtat. Adim voklecho resperacho vistid dorji noureachea ghora yevn xinvtalo. Vokleche zohk (measurement) ghevunk, dorjeak, vokleger vortale. Zokh ditoch vokol dorjeak vo mestak kitem sagvadd (tips) ditali. Noureager vistidache lugtak kator laitoch, fogottio zataleo ani xekareank ghomtalem vistid xinvtat mhunn. Punn atam, Boutiques zaleat ani adleo tora sompot ailea. Vokol apleak zai toslo dress toxench dediache (brides maid dresses) vichun kaddta ani readymade vistid ghora lagim haddtat.

Voklek Nhesovop: Adim noureager savn voklek nhesovpak mhunn nhourea vattenlean lok yetalo. Eke suitkesin ghalun voklecho vistidd, dusreo mustaki ani bhangar daddtalim. Vojeachi bail mhunn astali ani tea suitkexir ek hatani vinlolo crochetincho kuddko laun vojea bail mhatear marun haddi. Tika bogxis ditaleat. Noureager savn ailolo lok voklek make-up bha korun toyar kortalim. Punn atam tosle formalities nant. Vokol aplea avddiche beautician-ank ghorakode apoitta ani ti voklek toyar korta.

Kazarache Fotu ani video: Adim ek Photographer apoitale. To soglle fotu kaddtalo. Khalo-dhovo rongacho fotuvancho album korun ditalo. Tosoch ek vokol noureacho ani ghorchea vo famililcho fotu framin ghalun ditalo. Punn atam ek Professional photographer zalear dusro ek professional videographer asta. Sarkench ojapanche mhontlear kazaracho suvallo sompchea adinch pois aslole soireank ixttank eka khinna bhitor internet-ar velean fotu pollevnk melltat.

Bhetto: Adle tempar sagvadi daddtalim. Kazarak lagtat teo gorjecheo vostu zoxe porim tandull, narl, dudi, soro, vinagr adi, adi. Thoddim duddu ditalim. Atam hollant lok zaiteo vostu jinsavar rongit kagddamni netoun bhett ditat. Thoddo khall fattim ek vichitr toreche amontronn kardar, eka superstore-che nanv astalem ani vokol-nourean apleak zai teo vostu vichun kaddun dovorloleo. Jem konnak vokol-noureak kazarachi bhett divnk zai, tannim tea store-ran vochun tanki pormonnem bhet dinvchi asli.

Kazarachea vhorak vorpi bos: Vokol-nouro kazarache gaddient bosun hollan vetalim ani her soire, ixtt, xezari khas kazarak ailolea lokak, bosin vortale. Bosin sogot mandde-dulpotam ganvun hollaxim vellar pavtalim ani dekhunuch tea tempavelim kazaram vellar suru zatalim. Atam sogllea thaim skuttori, motor-gaddeo zaleat ani aplo time ghevn zai tea vellar hollant pavtat.

Kazarachem jevonn: Adle tempar ghorache fattle vatten molancho (palm leaves) mattov ghaltale. Amche Saxtint ami taka rosecho mattov mhunttat.. Ek Randpi (mest) vo randpinnink (mestin) apoitale kazarachem randop korpak. Xezarim soirim adhar kortalim katorpache, vantpache vo her barik-mottem kam’ korunk. Ghorcho poslolo boro tuntunit dukor martale.. Hollant focot pulav na zalear stew vantalim. Atam soglleo odoreo (orders) Catering komponink ditat ani tech sogle toyar kortat. Hollant jevnachi voddli buffet mandtat. Kazarak ailole soire (wedding guest) jevonn jevtat tache poros pidder chodd kortat.

Hem sogllem boroitana, mhojea Main-Pain, tanchea kazara disa ghoddlole ghoddnecho, mhaka ani mhojea bhanvddank sanglolo to ugddas zata. Tanche kazara disa khoim, ek attavich gozal ghoddli. Mhozo bapui Patricio Noronha ek boro futboll khellgoddi aslo. Boro futboll khellgoddi mhunn ten’nachea Governadoracho inam’ favo zal’lo asa taka.

Songit: Tholave vo ganvchem jaz band kazarak vazovpak astalem. Tea khallar tanchea kumpasar nachonk veglich urbha bhogtali. Atanchem songitkaar adle toren funk marun instrument vazpi nant. Electronic instrument-acho vapor korun live band ghoddghoddeta. Na tor DJ toyar asa.
Kazara disa mhojea bapaicho futboll club final khellunk aslo. Paik koxei bhaxen ti final (match) khellunk zai asli mhunntoch, to resper zatoch voklek mhunchem mhoje avoyk (Mariquinha Baptista) ghara dovorun futboll final kellun ailo, ani uprant suvallo (reception) zalem.
Tea tempar, resper sokallim ani kazaracho suvallo ratchea vellar zatalo, poromporik chall ti.

"Ugdass Tumcho" hem suvadik kantarant Juzu Baretto-n "Ugdass" hea Bab Katty de Navelim rochun Konkani CD-ir omor kellam ani hea futboll khellak lagon mhojea bapaik boroch vakhanla. Hea vorsa tanche kazarak 62 vorsam bhorleant.

Anik konnui nhovro aple kazara disa futboll khell khell’la vo khelltolo aslo gai?


________________________
Boroupeachi ol'lokh:


Norman Noronha, ganvant Colmorod, Navelim-Moddganvcho, sabar vorsam zalint Kuwait-ak vosti korta. To Navelim Youth Centre (NYC) Kuwait hea tachea ganvchea sonstheacho Up-Odheox mhunn menun ailolo asa, ani to ek boro football khellgodi.

Konkani bhaseacho taka kherit aburpai ani lhan boroupam korunk tachi ummedh.
Boroupeak sompork korunk email zaun asa: normankwt at hotmail.com

(c) http://www.goa-world.com/
Norman Noronha-chim adlim boroupam jim Gulf-Goans e-Newsletter(ar) uzvaddit zaleant hea porrim:
http://konkanikovita.blogspot.com/2010/07/mhojea-bhurgeaponacho-ugddas-norman.html
http://konkanikovita.blogspot.com/2010/07/konkani-lekh-visvas-nam-boroupi-norman.html
http://konkanikovita.blogspot.com/2010_08_01_archive.html
http://konkanikovita.blogspot.com/2010_09_01_archive.html

_______________________
[Bab Lino B. Dourado-k, Bab Katty de Navelim ani Bab Gaspar Almeida-k mhoje kherit dhinvas. - Norman Noronha].